«Құқықтар мен жауапкершілік» тақырыбында ойбөліс өткізілді.

№143 мектеп-лицейінде тәлімгер Муса Аида ұйымдастыруымен Өзін-өзі басқару ұйымының қатысуымен «Құқықтар мен жауапкершілік» тақырыбында ойбөліс өткізілді.

Іс-шараның негізгі мақсаты – оқушылардың құқықтық сауаттылығын арттыру, өз құқықтары мен міндеттерін дұрыс түсінуіне ықпал ету, сондай-ақ жауапкершілік пен тәртіп мәдениетін қалыптастыру.

Ойбөліс барысында қатысушылар оқушының мектептегі құқықтары мен жауапкершілігі, адам құқықтарын сақтау, заң талаптарын орындаудың маңыздылығы жөнінде пікір алмасты. Сонымен қатар, түрлі өмірлік жағдаяттар талқыланып, оқушылар өз ойларын еркін білдірді.

Жүргізілген жұмыстар оқушылардың азаматтық ұстанымын қалыптастыруға, сыни ойлау қабілетін дамытуға және қоғамдағы жауапкершіліктің маңызын түсінуге бағытталды.