[media=https://docs.google.com/presentation/d/1CCCRRp35lvF7GSRU1bO8M4171QQbfbKu/edit?usp=drive_link&ouid=110671012888104802635&rtpof=true&sd=true]

9Д сыныбында оқушылардың бір-біріне қолдау көрсету мәдениетін қалыптастыру және әлеуметтік жауапкершілікті арттыру мақсатында «Көмек» бағдарламасы бойынша тәрбие сабағы өткізілді. Сабақ барысында оқушылар өзара көмек, мейірімділік, жанашырлық ұғымдарын талқылап, өмірлік жағдаяттар арқылы дұрыс әрекет ету жолдарын анықтады. Іс-шара оқушылардың ұжымдық бірлігін күшейтіп, бір-біріне қолдау көрсетуге тәрбиелеуге бағытталды.

9Г сыныбында «Буллингтен қорған» тақырыбында тәрбие сағаты ұйымдастырылды. Іс-шараның мақсаты — оқушыларға буллингтің түрлері, оның салдары, одан қорғану жолдары туралы түсінік беру, сондай-ақ сынып ішінде қауіпсіз және қолайлы орта қалыптастыру болды. Сабақ барысында оқушылар буллингтің қандай жағдайда пайда болатыны, қандай әрекеттердің агрессияға жататыны туралы талқылады. Жағдаяттық тапсырмалар арқылы қиын жағдайдан шығу жолдарын қарастырып, кибербуллингтен қорғану тәсілдерімен танысты.

8В сыныбында «Жауапкершілік – адамгершілік қасиеттің көрінісі» тақырыбында «Адал азамат» бағдарламасы аясында тәрбие сағаты өтті. Іс-шара барысында оқушыларға жауапкершіліктің мәні, адамгершілік құндылықтар мен қоғамдағы жауапты азамат бейнесі туралы түсінік беріліп, түрлі пікірталастар мен тапсырмалар ұйымдастырылды. Тәрбие сағаты оқушылардың өнегелі тұлға болып қалыптасуына ықпал етті. Сынып жетекшісі Куккузов Т. М

8Г сыныбында қазақтың көрнекті жазушысы, балалар әдебиетінің негізін қалаушылардың бірі Сапарғали Бегалиннің туғанына 130 жыл толуына орай тәрбие сағаты өтті. Іс-шара барысында оқушылар жазушының өмірі мен шығармашылығына шолу жасап, оның балаларға арналған шығармаларынан үзінділер оқыды. Сонымен қатар, оқушылар жазушының қазақ әдебиетіне қосқан үлесі туралы пікір алмасты. Тәрбие сағаты оқушылардың рухани дүниесін байытып, әдебиетке деген қызығушылығын арттырды. Сынып жетекшісі Сариева Л. А

Сүйінбай атындағы №143 мектеп-лицейінде 8 “Д”сынып оқушыларымен “Жедел жәрдем номерлері мен сенім телефондары” тақырыбында қауіпсіздік сағаты өтілді. Сабақтың мақсаты: 1.Оқушыларға жедел қызметтердің түрлері мен олардың номерлерін таныстыру, төтенше жағдай кезінде дұрыс әрекет етуге үйрету. 2.Қиын жағдайда көмек сұрай білудің маңызын түсіндіру, сенім телефондарының рөлін көрсету. 3.Оқушылардың қауіпсіздік мәдениетін қалыптастыру, жеке және қоғамдық жауапкершілікті нығайту. Сабақтың міндеттері:

Мейіз қосылған сәбіз салаты 60 80 100 Сыр қосылған тауық еті 60 80 90 Гарнир: Бұқтырылған күріш 130 150 180 Жеміс- жидек қағынан компот   200 200 200 Қара бидай наны 20 35 40 Тағамның жалпы құны :

Сүйінбай атындағы №143 мектеп-лицейде 9 “Ә” сынып оқушыларына “Заң және тәртіп” қағидатын нығайту бойынша “Вейп-денсаулыққа қатер, заңға қайшы әрекет” тақырыбында бейнеролик көрсетіліп, талқылау өткізілді. Мақсаты: Оқушылар мен жастар арасында вейптің зияны мен заңға қайшы екенін түсіндіру, салауатты өмір салтын насихаттау. 🚫 Вейп — сән емес, зиян! Сынып жетекшісі: Қожбанов Ж.М [media= ]

Сүйінбай атындағы № 143 мектеп-лицей психологтары «Дос болайық!» тақырыбында бастауыш сыныптармен топтық жұмыстар жүргізді. Мақсаты: Бастауыш сынып оқушыларына достықтың маңызын түсіндіру, бір-бірімен сыпайы сөйлесуге, көмектесуге, сыйластық пен ынтымақтастықта болуға тәрбиелеу.

Сүйінбай атындағы №143 мектеп-лицейдің психологтары 9 сыныптармен «Достық – сыйластық пен сенімнің негізі» тақырыбында түсіндірмелі әңгімелер жүргізілді. Мақсаты: Оқушыларға достық ұғымының маңызын түсіндіру, бір-біріне деген сенімділік пен сыйластықты арттыру, жағымды қарым-қатынас орнатуға, бірлесе әрекет етуге және бір-бірін қолдай білуге тәрбиелеу.