“Мектептегі өзін-өзі басқарудың үздік сайлау жүйесі”

“Мектептегі өзін-өзі басқарудың үздік сайлау жүйесі” атты аудандық байқауға белсенді қатысып, жоғары деңгейде ұйымдастырушылық қабілет, жауапкершілік және көшбасшылық қасиеттерін танытқаны үшін Сүйінбай атындағы №143 мектеп-лицейі аға тәлімгері Муса Аида Дауренқызы, 11 “Ә” сынып оқушылары Серік Меруерт Серікқызы және Кемел Айдана Қанатқызы марапатталады.

Аталған байқауда мектептің өзін-өзі басқару құрылымының сайлау жүйесі жан-жақты таныстырылып, оның ашықтығы, әділдігі және оқушылар белсенділігін арттырудағы маңызы көрсетілді. Қатысушылар өз жобаларын жоғары деңгейде қорғап, тың идеяларымен және жаңашыл көзқарастарымен ерекшеленді.

Мектеп абыройын асқақтатып, аудандық деңгейде лайықты нәтиже көрсеткен ұжымға алғыс білдіреміз. Алдағы уақытта да шығармашылық табыс, жаңа жетістіктер мен жеңістер тілейміз!