«Жеңіс рухы – жүректе» атты мектепішілік көрме

Мектебімізде «Жеңіс рухы – жүректе» атты мектепішілік көрме жоғары деңгейде ұйымдастырылып өтті. Көрменің басты мақсаты – жас ұрпақтың бойына отансүйгіштік сезім қалыптастыру, Ұлы Жеңістің мәнін түсіндіру және ардагерлерге деген құрметті арттыру.
Оқушылар өз қолдарымен жасаған шығармашылық жұмыстарын ұсынып, соғыс жылдарындағы ерлік пен батырлықты бейнелей білді. Көрмеге қойылған әрбір туындыда жеңіске деген құрмет, тарихқа тағзым, елге деген сүйіспеншілік айқын көрініс тапты.
Бұл көрме оқушылардың рухын көтеріп, олардың патриоттық сезімін нығайтуға үлкен үлес қосты. Осындай тағылымы мол шаралар алдағы уақытта да жалғасын табады деп сенеміз.