«Мамандықтар әлемі» тақырыбында тәрбие сағаты өткізілді.

Сүйінбай атындағы №143 мектеп-лицейінің 8 «Д» сынып оқушылары үшін «Мамандықтар әлемі» тақырыбында тәрбие сағаты өткізілді. Тәрбие сағатының негізгі мақсаты – оқушыларға әртүрлі мамандықтар туралы түсінік беру, олардың қызығушылықтарын анықтауға көмектесу және болашақ мамандық таңдауға бағыт-бағдар беру.

Сабақ барысында оқушылар түрлі мамандықтар туралы мәлімет алып, олардың ерекшеліктері мен маңыздылығын талқылады. Сонымен қатар, өздерінің болашақта кім болғысы келетінін айтып, пікір алмасты. Қызықты ойындар, сұрақ-жауап кезеңдері ұйымдастырылып, белсенділік танытты.

Тәрбие сағаты оқушылар үшін танымдық әрі пайдалы болды. Олар өз болашағына деген жауапкершілікті түсініп, мамандық таңдаудың маңызды екенін ұғынды!