1–11 сынып оқушыларының ата-аналарына арналған бірыңғай ата-аналар жиналысы

Сүйінбай атындағы №143 мектеп-лицейде мектепішілік жоспарға сәйкес 2025–2026 оқу жылының ІІ тоқсан қорытындысы бойынша 2026 жылғы 20 қаңтарда 1–11 сынып оқушыларының ата-аналарына арналған бірыңғай ата-аналар жиналысы өткізілді.
Жиналыс бір күнде, бір уақытта өтіп, екі бөлімнен тұрды.
І бөлім – Ашық алаң
Ашық алаң форматында пән мұғалімдері мен ата-аналар арасында еркін сұхбат ұйымдастырылды. Барлық пән мұғалімдері қатысып, алдын ала белгіленген орындарда ата-аналарды қабылдады.
Мектеп әкімшілігі, психолог, әлеуметтік педагог және арнайы мамандар кіреберіс дәлізде ата-аналармен жеке кеңес жүргізді.
Пән мұғалімдері павильондар мен спорт залында орналастырылды.
ІІ бөлім – Сыныптық ата-аналар жиналысы.
Жиналыс сынып кабинеттерінде сынып жетекшілерінің ұйымдастыруымен өтті.
Сынып жетекшілері ата-аналарға тәрбие жұмысы бойынша түсіндірме жүргізіп, І жартыжылдықтағы білім сапасына талдау жасады. Сонымен қатар, оқушылардың сабаққа қатысуы, мектеп формасын сақтау, сабақтан кешікпеу сияқты ағымдағы мәселелер қарастырылды.