«Қарттарын құрметтеген ел — тозбайды» деген тақырыпта шағын бейнеролик көрсетілді.

Тәрбие сағаты: «Қарты бар ел – қазыналы ел»
Мақсаты:
•Оқушыларға ата-әжеге деген құрмет, үлкенге ізет көрсету секілді ұлттық тәрбиенің маңызды құндылықтарын түсіндіру;
•Қарияларды қадірлеуге, үлкеннің сөзін тыңдап, өнеге алуға тәрбиелеу;
•Қазақ халқының «Қарты бар үйдің – қазынасы бар» деген ұлағатты сөзінің мәнін ұғындыру.

Сабақтың барысы:[media=«Қарттарын құрметтеген ел — тозбайды» деген тақырыпта шағын бейнеролик көрсетілді.]

Сабақтың басында оқушылар «Қария деген кім?», «Неге қарт адамдарды құрметтеуіміз керек?» деген сұрақтар төңірегінде ой бөлісті.
Одан кейін қазақ халқындағы қарттарға көрсетілетін құрмет дәстүрі, ақсақалдар кеңесі, батагөй қариялар туралы мәлімет берілді.

Оқушылар өздерінің ата-әжелері туралы айтып, олардың өмірлік даналықтарын, үйреткен өнегелерін еске алды. Кейбір оқушылар өлең, эссе, мақал-мәтел оқып, қарттарға арнап жылы лебіздерін жеткізді.

Сонымен қатар, қарттарға көмектесу, амандасу әдебі, төр ұсыну сияқты әдеп нормалары туралы талқылау өтті.
Сабақ барысында «Қарттарын құрметтеген ел — тозбайды» деген тақырыпта шағын бейнеролик көрсетілді.
Сыныбы: 7 “Б” сыныбы
Сынып жетекшісі Абдирова Ботагөз Саттарқазықызы
[media=]