«Физикалық зертхана: "Физика ғажайыптары"» тақырыбында зертханалық сабақтар ұйымдастырды.

Алматы қаласы, Жетісу ауданы, Сүйінбай атындағы №143 мектеп-лицейінің физика пәнінің мұғалімдері Алтайқызы Маржан мен Оралбай Жанерке «Физикалық зертхана: "Физика ғажайыптары"» тақырыбында зертханалық сабақтар ұйымдастырды.

🔬 Зертханалық сабақтың мақсаты:
Бұл зертханалық жұмыстардың негізгі мақсаты – оқушылардың физикалық құбылыстарды тереңірек түсінуіне ықпал ету, теориялық білімдерін тәжірибе арқылы бекіту және олардың ғылыми-зерттеу дағдыларын дамыту. Сабақ барысында оқушылар әртүрлі физикалық заңдылықтарды тәжірибелік жолмен зерттеп, өлшеу құралдарымен жұмыс істеу дағдыларын жетілдірді. Сонымен қатар, эксперименттік әдістерді қолдану арқылы деректерді талдау, нәтижелерді интерпретациялау және қорытынды жасау қабілеттері қалыптасты.