№1 педагогикалық кеңес

2025 жылғы 27- тамыз күні Алматы қаласы Жетісу ауданы Сүйінбай атындағы №143 мектеп-лицейде мемлекеттік білім беру саясатын жүзеге асыруда біртұтас көзқарасты қамтамасыз ету, педагогикалық ұжымның 2025–2026 оқу жылындағы негізгі міндеттерін айқындау мақсатында бірыңғай педагогикалық кеңес өтті. Кеңеске Алматы қаласының білім саласында сапаны қамтамасыз ету департаментінің бас маманы Қайранбаева Айжан Түсіпбековна қатысып, педагогикалық ұжымға ҚР Президентінің, Оқу-ағарту министірінің білім саласына қойып отырған міндеттері мен талаптарын таныстырды. Сонымен қатар директордың тәрбие ісі жөніндегі орынбасары Әтшібай Құндыз Ақылсерікқызы «Адал азамат» - біртұтас тәрбие бағдарламасының басты мақсаты - елдегі барлық балаларды қамтитын және жалпыұлттық сипаттағы тәрбие мен білім беру жүйесін қалыптастырудағы басымдықтарына тоқталды. Әсіресе білімалушылардың адалдық, патриотизм және қоғамға пайдалы болу сынды құндылықтарды бойларына сіңіру мақсатында әзірленген бағдарламаның құжаттарымен таныстырды. Мектеп-лицей директорының м.а. М.Н.Диханбаева мектебіміздегі атқарылатын жылдық жұмыс жоспарын бекітуге ұсынды.