«Күншуақ» жазғы демалыс лагері

Сүйінбай атындағы №143 мектеп-лицей жанынан ашылған «Күншуақ» жазғы демалыс лагерінің жоспарына сәйкес, балалар мұражайға саяхат жасап келді. Күйші, сазгер Ықылас Дүкенұлы атындағы Халық аспаптар мұражайына барып, қазақ халқының ұлттық музыкалық аспаптарымен танысты. Ұлттық құндылықтарды біліп, зерделеп, тамашалап қайтты. Абай Құнанбайұлы, Махамбет Өтемісұлы, Жамбыл Жабаев, Құрманғазы Сағырбайұлы, Дина Нұрпейісова, Ахмет Жұбанов және басқа да ұлы тұлғалардың домбыраларын көріп, ерекше әсерде болды. Қазақ халқының ұлттық аспаптарынан басқа, өзге ұлттардың да музыкалық аспаптарын көріп, тарихымен тереңірек танысты. Балаларға мұражай ұнады. Өздерін қызықтыратын сұрақтарына жауап та алып үлгерді. Танымдық саяхат балалардың білімдерін жетілдірді. Панфилов атындағы саябаққа барып, таза ауада серуендеуді де ұмытқан жоқ.
Топ жетекшілері: Тузилова Нұргүл, Кунбасова Гүлжамал, Белғожаева Гүлзира, Макенова Шолпан.