«Күншуақ» жазғы сауықтыру лагерінің ашылуы өткізілді

Сүйінбай атындағы #143 мектеп-лицейінде 5 маусым күні сағат 9:00-де мектеп жанындағы «Күншуақ» жазғы сауықтыру лагерінің ашылуы өткізілді. Салтанатты жиында ұстаздар балаларды қызықтырып, ойындар ойнатып, сыйлықтар беріп, ән айтқызып, билетіп, оқушылармен қызықты әсерде, естерінде қалатындай ұйымдастыра білді. Алаң жетекшісі Темешова А, Жумабаева Алия балаларды топқа бөліп, асфальтқа суреттер салғызды. Тақырыбы: «Туған жер және ғажайып табиғатым!». Ең үздік салған топқа сыйлықтар ұйымдастырып, үлестіріп берді. Жиында «Мерекем» , «Әдімі-ай!» әндері орындалып, «Флешмоб» биі орындалды. Барлық оқушыларды мектеп фойесіне кіргізіп, жиынның ашылу рәсімін тамашалауға шақырып,оқушыларды топ жетекшілері және тәлімгерлері белгіленген кабинеттеріне апарып, күн тәртіптерімен таныстырылды. Кітапханашы, мектеп психологтары және медбике топтармен танысты.