11-сыныптардың ата-аналарымен бірлесе отырып, «Ата-ана тәрбиесі және жағымсыз әдеттер» тақырыбында ата-аналар жиналысы өтті

«Бала тәрбиесі- жеке бір ғылым иесі болуды тілейтін өнер» деген екен М. Жұмабаев. Бау-бақшаны баптап, күтіп суарсаң ғана жемісіне кенелерсің демекші баланың жан-жақты дамуына ата-ананың ықпалынан бөлек үштік одақ: ата-ана--бала--мектеп арасындағы үздіксіз байланыс қана нәтижелі тәрбие мен білімге ұласары анық.
Мектебімізде 11-сыныптардың ата-аналарымен бірлесе отырып, «Ата-ана тәрбиесі және жағымсыз әдеттер» тақырыбында ата-аналар жиналысы өтті. Бала бойындағы адамгершілік, бауырмалдық, қайырымдылық, әдептілік, инабаттылық сияқты қасиеттер — жанұяда балаға сөзбен емес, үлкендердің үлгісімен сіңеді. Осы орайда директордың оқу ісі жөніндегі орынбасары М. Н. Диханбаева және 11-сынып жетекшілері ата-аналармен бірлескен "Дұрыс қанаттанған құс түзу ұшар... " тақырыбында тренинг өткізді. Тренинг барысында түрлі жағдаяттарға байланысты ойындар, сауалнамалар, көмек, кеңес берілді. Ата-аналар жиналысынан алған әсерлерімен бөлісті.