Б. Өтемұратов қорының ұйымдастыруымен мектебімізде ашылған "ЖАСЫЛ МЕКТЕП" жылыжайында бүгінгі күнде биология пәні мұғалімі А.Бершімбекова мен мектеп оқушылары өсірген аскөктерін жинап, мектеп асханасына өткізді. Асхана қызметкерлері осы жылыжайда өсірілген табиғи өнімдерін мектеп ұжымына тегін ұсынды.

Жетісу ауданы, Сүйінбай атындағы №143 мектеп-лицейдің базасына оқушылардың бос уақытын тиімді ұйымдастыру, жас ұрпақтын денсаулығын нығайту мақсатында мектеп дәлізіне үстел теннисі қойылды. Оқушыларымыз бос уақыттарында, бір мезгіл үстел теннисіне келіп ойнап, бой сергітулеріне болады. Дені сау ұрпақ-жарқын болашақ кепілі!

Жетісу ауданы, Сүйінбай атындағы 143 мектеп-лицей ұстаздарының қолайлы жұмыс жасауы үшін мектеп-лицей тарапынан 30 принтер ұстаздардың пайдалануына берілді. 28 принтер ұстаздардың жеке кабинеттеріне, қалған 2 принтер мұғалімдер бөлмесіне қойылды.Ұстаздарға толағай табыстар мен тек сәттілік тілейміз!!

Жетісу ауданы , Сүйінбай атындағы 143 мектеп-лицейдің аумағында Б.Өтемұратов қорының қолдауымен салынған "Жасыл мектеп" жылыжай жобасының жұмысымен танысу мақсатында Білім және Ғылым министрі Асхат Қанатұлы Аймағамбетов мырза келіп, ұстаздар мен оқушылардың бірігіп жасаған жылыжай жұмысымен және жылыжайда өсірілген өнімдерімен танысты.

Елбасының «Болашаққа бағдар: рухани жаңғыру» атты бағдарламалық мақаласы аясында жас буынның білімділік сауаттылығын арттыру, оқырманды кітапханаға көбірек тарту мақсатында қалалық, аудандық білім бөлімдерінің қолдауымен Жетісу ауданы, Сүйінбай атындағы №143 мектеп-лицейде «Coworking» орталығы заман талабына сай қайта жаңартылып, ашылды. Білім ордасындағы рухани орталықтың ашылуы шәкірттер мен ұстаздардың бос уақытын тиімді әрі пайдалы өткізуіне бар жағдайды жасайтынына сенімдіміз.

Б. Өтемұратов қорының ұйымдастыруымен мектебімізде ашылған "ЖАСЫЛ МЕКТЕП" жылыжайында биология пәні мұғалімі А. Бершімбекова мен мектеп оқушылары көшеттерді отырғызып, күтіп баптауда. Бүгінгі күні осы жылыжайдан мектеп оқушылары өсірген аскөктерін жинап, мектеп асханасына берді.

Құрметті ата-аналар, оқушылар, мектеп-лицейімізде қыркүйек айынан бастап би үйірмесі ашылғанын хабарлаймыз. Үйірмені кәсіби хореограф Есентаева Актолкын Умирбековна жүргізеді.

[media=https://m.facebook.com/story.php?story_fbid=1269245833543422&id=100013740516608]

«Түнгі қаладағы балалар» республикалық акциясы аясында №143 мектеп-лицей мұғалімдері кешке және түнде ойын-сауық, сауда орталықтары мен базарларға және Алматы2 вокзалына рейдтер жүргізуде. Бұл іс-шараның мақсаты - жасөспірімдер арасындағы құқықбұзушылық пен қараусыздықтың алдын алу және түнгі уақытта заңды өкілдерінсіз жүру фактілерін анықтау.